“Bu oyun bizi məyus etdi”

“Bayern”in yarımmüdafiəçisi Tomas Müller Almaniya çempionatının 27-ci turunda Dortmund “Borussiya”sına məğlubiyyəti şərh edib (0:2).

Komanda.az Münhen klubunun rəsmi saytına istinadən xəbər verir ki, o, oyunun komanda üçün yaxşı keçmədiyini bildirib:

“Çıxışımızdan çox məyus olduq, beynəlxalq fasilə bizə heç bir xeyir vermədi. “Borussiya”nın son dəqiqələrdə yenidən qələbə qolunu vurması da bir az ağır oldu, amma bu, bəhanə deyil. Oyunumuzda da problemlər var. Biz ləng futbol oynadıq və kifayət qədər effektli olmadıq. Həlledici anlarda qol vura bilərdik.

Rəqib komanda 90 dəqiqə layiqli futbol oynadı, lakin qeyri-adi heç nə etmədi. Onlar qələbəyə layiq idilər. Ümid edirdik ki, bu gün növbəti oyunlar üçün təkan olacaq. Amma ilk hissədə çox çılğın oynadıq və birlik içində oyun nümayiş etdirdik. Bu oyun bizi məyus etdi”.

“Bayern” çempionatda ikinci pillədə qərarlaşıb və “Bayer”dən 13 xal geri qalır.