“Bu nəticə rəqib üçün qələbəyə bərabərdir” – “Liverpul”un futbolçusu

İngiltərə Federasiya kubokunun 1/16 final mərhələsi çərçivəsində “Şrusberi Taun” klubu ilə 2:2 hesablı heç-heçəyə razılaşan “Liverpul”un qapıçısı Adrian açıqlama verib

Komanda.az klubun saytına istinadən xəbər verir ki, qolkiper, nəticədən məyus olduqlarını bildirib:

“Nəticəyə görə çox məyusuq, çünki daha yaxşı çıxış edə bilərdik. Nəticə ədalətli oldu. Rəqibin şansı çox idi, biz də daha yaxşı müdafiə oluna bilərdik. İkinci qolu vurduqdan sonra arxayınlaşdıq. Rəqib istəkli idi və qol vurmağa çalışırdılar. Bu nəticə rəqib üçün qələbəyə bərabərdir. Onlar hörmətə layiq komandadır.

Artıq “Enfild Roud”dakı ikinci oyuna hazırlaşmalı və mərhələni keçməliyik. Öz oyunumuza köklənməli və bu nəticə üçün özümüzü tənqid etməliyik. Bu oyunda ən yaxşı tərəflərimizi göstərə bilmədik”.