“Mən bu kuboku qazanmaq üçün burdayam” – Hazard

İspaniyanın “Real” klubunun futbolçusu Eden Hazard açıqlama verib.

Komanda.az xəbər verir ki, belçikalı hücumçu, klubun kanalına verdiyi müsahibədə, “7 nömrə” altında oynamağın çətin olduğunu bildirib:

“Kriştiano Ronaldodan sonra 7 nömrəli forma ilə oynamaq asan deyil. Çünki bu nömrənin öz hekayəsi var.

“Real” bu mövsüm bütün turnirlərdə qalib gəlmək üçün hər şeyi edəcək. Titul qazanmalıyıq, Çempionlar Liqasının vacib olduğunu başa düşürəm. Mən bu kuboku qazanmaq üçün burdayam. Bu, hər kəs üçün, özüm üçün çox vacibdir.

Hazırda dünyanın ən yaxşı klubundayam və bu klub üçün əlimdən gələn hər şeyi etməyə çalışacam”.