“Bu, tarixi oyun olacaq” – Tuxel

UEFA Çempionlar Liqasının yarımfinal mərhələsində Almaniyanın “Leyptsiq” klubu ilə qarşılaşacaq PSJ-nin baş məşqçisi Tomas Tuxel açıqlama verib.

Komanda.az klubun rəsmi saytına istinadən xəbər verir ki, oyuna tam hazır olduqlarını bildirən alman mütəxəssis, Neymar və Kilian Mbappe ikilisi ilə bağlı da danışıb:

“Rəqib çox aqressiv, cəsur futbol oynayır və hər zaman hücumu düşünür. Futbolçuları çox gənc və sürətlidir. Bu oyuna tam hazırıq. Bu, tarixi oyun olacaq. Bu mərhələdə olmağa layiqik, çünki belə mükəmməl bir turnirdə möhtəşəm mövsüm keçirdik. Mövsüm ərzində çox çalışdıq və bunu davam etdiririk. Bu yarımfinalda qalib gəlmək istəyirik. Nəticənin necə olacağını bilmirik, amma sona qədər mübarizə aparacağıq.

Neymar və Mbappe arasındakı münasibət bizim üçün güclü bir nüansdır. İkisi də hər zaman fərq yaradan futbolçudur. Onların ikisi birlikdə fantastikdir. Neymar hər zaman meydanda liderdir”.

“Leyptsiq” – PSJ oyunu bu gün, saat 23:00-da start götürəcək.