“Bu, mənim ən böyük xəyalımdır” – Mane

Afrika Millətlər Kubokunun 1-ci turunun oyunları çərçivəsində Tanzaniya milli komandasına 2:0 hesabı ilə qalib gələn Seneqal yığmasının futbolçusu Sadio Mane açıqlama verib.

Komanda.az xarici mətbuata istinadən xəbər verir ki, “Liverpul”un şərəfini qoruyan hücumçu, turnirin qalibi ola biləcəklərini deyib:

“Burda hər şey bizdən asılıdır, böyük bir uğura nail ola bilərik. Əlbəttə ki, biz favoritik, bunu gizlətmək lazım deyil. Amma favorit olmaq bizə kifayət etmir.

Afrika Kubokunu qazanmayan bir komanda ilə bunu əldə etmək inanılmazdır. Mən Çempionlar Liqasındakı qələbəni Afrika Kuboku qalibiyyəti ilə dəyişməyə hazıram. Seneal millisi heç vaxt bunu qazanmayıb. Dakara qayıdış möhtəşəm olardı. Bu, mənim ən böyük xəyalımdır”.