Qvardiola Halandla bağlı danışmaq istəmədi

“Mançester Siti”nin baş məşqçisi Pep Qvardiola “Brayton”la matçdan əvvəl açıqlama verib.

Komanda.az İngiltərə mətbuatına istinadən xəbər verir ki, Qvardiola, Erlinq Halandla razılığa gəldikləri ilə bağlı yayılan xəbərlərə münasibət bildirmək istəməyib:

“Transferlərdən danışmaq istəmirəm. Bu mövsüm heyrətamiz işlər görürük və transferlər haqqında heç nə deməyəcəm”.

“Daily Mail” nəşri bir neçə gün öncə “Mançester Siti”nin “Borussiya”nın (Dortmund) norveçli hücumçusu Halandla razılığa gəldiyini xəbər vermişdi.

“Mançester Siti” – “Brayton” matçı bu gün, saat 23:00-da start götürəcək.