“Ümid edirəm ki, Messi 2025-ci ildən sonra burada qalmağa davam edəcək” – MLS-in prezidenti

MLS-in prezidenti Don Qarber Lionel Messinin “İnter Mayami”dən mümkün gedişi ilə bağlı fikirlərini bölüşüb.

Komanda.az ESPN-ə istinadən xəbər verir ki, o, argentinalı futbolçunun uzun müddət MLS-də qalacağını düşündüyünü deyib:

“Ümid edirəm ki, Messi 2025-ci ildən sonra burada qalmağa davam edəcək. Mən düşünürəm ki, bu, onun MLS-də qalması üçün son tarix deyil”.

36 yaşlı hücumçu 2023-cü ilin yayında “İnter Mayami”yə keçib. Onun klubla hazırkı müqaviləsi 2025-ci ilin sonunda başa çatacaq.