Qasperini: “Bu matç çempionatdakı oyunlardan fərqli olacaq”

“Atalanta”nın baş məşqçisi Can Pyero Qasperini komandasının “İnter”lə qarşılaşacağı İtaliya superkubokunun yarımfinalından gözləntilərini bölüşüb.

Komanda.az xarici KİV-ə istinadən xəbər verir ki, o, bunu deyib:

“Bu matç çempionatdakı oyunlardan fərqli olacaq. Çünki onun nəticələrinə əsasən turniri tərk etmək olar, ona fərqli yanaşmaq lazımdır.

“İnter”lə son matçlardakı uğursuz nəticələr? Fikir verin, “İnter” son illərdə nəyə nail ola bilib, onlar ən güclü komandadır. Son iki qarşılaşma inanılmaz dərəcədə çətin keçdi. Son matçlarda olduğu kimi, dərhal qol buraxmamaq üçün ilk dəqiqələrdən diqqətimizi cəmləməliyik. Hər şey ilk dəqiqələrdən öz ssenarisi üzrə getsə, “İnter”lə oyunu dəyişmək çətindir”.