“Bu komandanın tələb etdiyi səviyyədə olduğuma əminəm”

“Liverpul”un futbolçusu Aleks-Oksleyd Çemberleyn açıqlama verib.

Komanda.az klubun saytına istinadən xəbər verir ki, 26 yaşlı yarımmüdafiəçi, komandanın çempionatdakı vəziyyətindən danışıb:

“Son mövsümə diqqət edək, biz 97 xal toplasaq da, qalib gələ bilməmişdik, lakin “Mançester Siti” bizdən daha çox xal topladı və çempion oldu. Bundan sonra yeni mövsümdə 98 xal toplamaq zehni güc tələb edir. Hazırda yaxşı irəliləyirik. 97 xal toplasaq da, qalib ola bilməməyimiz bizi həvəsləndirdi, uğurlara ac etdi. Hələ heç nə əldə etməmişik, hədəfimizə çatmamışıq. Bu cür davam etməliyik, onda istədiyimiz nəticəni əldə edəcəyik.

Komandanın bir hissəsi olmaq və istədiklərimizə nail olmaq üçün kömək etmək istəyirəm, ona görə də, sadəcə bu mövsümə köklənmişəm. Əsas hədəfim komandaya uyğun olmaq, yaxşı mövsüm keçirmək və ardıcıl oynamaqdır. Zədələnməmişdən əvvəl komandaya necə kömək edirdimsə, indi də eləyəm. Bu komandanın tələb etdiyi səviyyədə olduğuma əminəm. Komandanın bir hissəsi olduğum üçün xoşbəxtəm və “Liverpul” belə irəlilədiyi üçün sevinirəm”.