ÇL: “Qələbə qazanmaq üçün hər şey edəcəyik” – Silva

“Mançester Siti”nin yarımmüdafiəçisi Bernardo Silva UEFA Çempionlar Liqasının “İnter”lə final matçı haqda danışıb.

Komanda.az xarici KİV-ə istinadən xəbər verir ki, o, qələbə qazanmaq üçün hər şey edəcəklərini deyib:

“İki il öncə finalda uduzduq. Keçən il yarımfinal mərhələsinə qədər irəlilədik. Bu il də çempionluq üçün yaxşı fürsət yaxalamışıq. Bundan maksimum yararlanmalıyıq.

2021-ci ildə baş tutan həlledici görüşdən sonra çox əsəbiləşdik. Serxio Aquero və Fernandinyo kimi “Mançester Siti”ni tərk edən bəzi futbolçular üçün son fürsət idi. Bu il də hazırkı heyətdə çıxış edən futbolçular üçün son şans ola bilər. Qələbə qazanmaq üçün hər şey edəcəyik”.

Xatırladaq ki, qitənin bir nömrəli klub turnirinin həlledici qarşılaşması 10 iyun, saat 23:00-da başlayacaq.