Mourinyo “Lill”ə məğlubiyyət haqda: “Bu, hələ bütün “opera”nın sonu deyil”

“Fənərbaxça”nın baş məşqçisi Joze Mourinyo komandasının Çempionlar Liqasının 3-cü təsnifat mərhələsinin “Lill” ilə ilk oyununda (1:2) məğlubiyyətini şərh edib.

Komanda.az xarici KİV-ə istinadən xəbər verir ki, portuqaliyalı məşqçi cavab oyununda hər şeyin fərqli olacağına şübhə etmir:

”Bu, hələ bütün “opera”nın sonu deyil, ortasıdır. Bu duelin ikinci hissəsini öz meydanımızda keçirəcəyik. Ona görə də, rəqib komandaya demək istəyirəm ki, arxamızda minlərlə azarkeş olacaq və bu, həlledici amil olacaq”.

61 yaşlı mütəxəssis daha əvvəl “Roma”ya rəhbərlik edib.