“Bu, hörmətsizlikdir” – Ronaldonun bacısı

“Mançester Yunayted”in portuqaliyalı hücumçusu Kriştiano Ronaldonun bacısı Elma Aveyro qardaşının İngiltərə klubundakı mövqeyinə münasibət bildirib.

Komanda.az xarici KİV-ə istinadən xəbər verir ki, o, qardaşına qarşı hərəkəti hörmətsizlik adlandırıb.

“Nə olur olsun, hər şeyi yaxşı görürəm. Bu, Ronaldoya hörmətsizlikdir” – Elma sosial media hesabında yazıb:

Ronaldo İngiltərə Premyer Liqasının 12-ci turunun “Tottenham”lə oyunu (2:0) sona çatmamış ehtiyat oyunçular skamyasını tərk edib. O, əşyalarını götürüb və oyundan sonra paltardəyişmə otağına girmədən “Old Trafford” stadionunu tərk edib.