“Bunu dörd gözlə gözləyirik – Van Dayk

“Liverpul”un müdafiəçisi Vircil Van Dayk açıqlama verib.

Komanda.az klubun saytına istinadən xəbər verir ki, Premyer Liqa çempionluğu haqqında danışan niderlandlı futbolçu, bunları deyib:

“Məncə, əsas məqam Premyer Liqanı qazanmaqdır. Bu, hamımız üçün bir yuxu idi. Artıq bu adı qorumaq üçün daha çox çalışmalıyıq. Çox çətin olacaq, digər komandalar daha yaxşılaşacaq, bizi məğlub etmək istəyəcəklər, amma biz hər dəfə oyuna köklənəcəyik. Oyun üslubumuzu yaxşılaşdırmalı və bu mövsümdə olduğu kimi qətiyyətli olmalıyıq. Bu, hamımız üçün yeni bir macəra olacaq və bunu dörd gözlə gözləyirik.

Bu klub çox özəldir və hər kəs bunun bir parçasıdır. Komandada inanılmaz futbolçular var. Hazırda nəyə sahib olduğumuzu bilirik: bir az daha çox tanınmağa layiq olan futbolçulardan ibarət inanılmaz komanda. Əla komandaya, möhtəşəm futbolçulara, dünyanın ən yaxşı məşqçisinə sahib olduğumuzu bilirik və bunun bir parçası olmaq inanılmazdır”.