DÇ-2023: Azərbaycan millisi Rusiya ilə bir qrupda

Bu gün UEFA-nın Nyon şəhərindəki mənzil-qərargahında qadınlardan ibarət milli komandalar arasında final mərhələsi 2023-ci ildə Avstraliya və Yeni Zelandiyada təşkil ediləcək dünya çempionatının seçmə mərhələsinin püşkatma mərasimi keçirilib.

Komanda.az xəbər verir ki, püşkün nəticəsinə əsasən, Azərbaycan millisi dünya çempionatının final mərhələsinə vəsiqə uğrunda E qrupunda Danimarka, Rusiya, Bosniya və Herseqovina, Malta və Monteneqro komandaları ilə mübarizə aparacaq.

Seçmə mərhələnin oyunları bu ilin sentyabrında start götürəcək və 2022-ci ilin avqustunadək davam edəcək. Dünya çempionatı 2023-cü il 10 iyul-20 avqustda təşkil olunacaq.