Avroliqa: Daha 14 komanda 1/16 finalda!

Futbol üzrə Avropa Liqasında qrup mərhələsinin 5-ci turunun oyunları keçirilib.

Komanda.az xəbər verir ki, 12 qrupda 24 qarşılaşma baş tutub.

Azərbaycan çempionu “Qarabağ”ın mübarizə apardığı İ qrupunda 1/16 finala ilk vəsiqənin sahibi bəlli olub. “Sivasspor”a 1:0 hesabı ilə qalib gələn “Vilyarreal” qrupda 1-ci yeri təmin edib. Ağdamlılar isə Təl-Əviv “Makkabi”si ilə heç-heçə oynayıb – 1:1.

“Vilyarreal”dan başqa, 13 komanda 1/16 finala vəsiqəni təmin edib. Bunlar “Slaviya”, “Bayer”, “Benfika”, “Reyncers”, “Qranada”, PSV, “Braqa”, “Lill”, “Milan”, “Antverpen”, “Tottenhem”, “Dinamo” (Zaqreb ) və “Srvena Zvezda” klublarıdır.

Qeyd edək ki, “Roma”, “Arsenal”, “Lester” və “Hoffenhaym” 1/16 finala vəsiqəni 4-cü turda təmin etmişdi.

Avropa Liqası, qrup mərhələsi, 5-ci tur

3 dekabr

G qrupu

AEK (Yunanıstan) – Braqa (Portuqaliya) 2:4
Qol: Oliveyra, 31. Vasilantonopulos, 89 – Tormena, 8. Esqayo, 10. Horta, 45. Qaleno, 83.

Zarya (Ukrayna) – Lester (İngiltərə) 1:0
Qol: Sayyadmaneş, 84.

H qrupu

Milan (İtaliya) – Seltik (Şotlandiya) 4:2
Qol: H.Çalhanoğlu, 24. Kastilyexo, 26. Hauqe, 50. B.Dias, 82 – Roqiç, 7. Eduard, 14.

Lill (Fransa) – Sparta (Çexiya) 2:1
Qol: B.Yılmaz, 80; 84 – Kreyçi, 71.

İ qrupu

Qarabağ – Makkabi (Təl-Əviv, İsrail) 1:1
Qol: X.Romero, 37 – Y.Kohen, 22-pen.

Sivasspor (Türkiyə) – Vilyarreal (İspaniya) 0:1
Qol: Çukvueze, 75.

J qrupu

LASK (Avstriya) – Tottenhem (İngiltərə) 3:3
Qol: Mixorl, 42. Eggeştayn, 84. Karamoko, 90+3 – Beyl, 45+2-pen. Son, 56. Alli, 87-pen.

Antverpen (Belçika) – Ludoqorets (Bolqarıstan) 3:1
Qol: Honqla, 19. De Laet, 72. Benson, 87 – Despodov, 53.

K qrupu

ÇSKA (Moskva, Rusiya) – Volfsberq (Avstriya) 0:1
Qol: Vizinger, 22.

Feyenoord (Niderland) – Dinamo (Zaqreb, Xorvatiya) 0:2
Qol: Petkoviç, 45+5-pen. Mayer, 53.

L qrupu

Srvena Zvezda (Serbiya) – Hoffenhaym (Almaniya) 0:0

Gent (Belçika) – Slovan (Çexiya) 1:2
Qol: Yaremçuk, 60 – Mara, 32. Kaçaraba, 55.

A qrupu

Roma (İtaliya) – Yanq Boyz (İsveçrə) 3:1
Qol: Mayoral, 44. Kalafyori, 59. Dzeko, 81 – Nsame, 34.

ÇFR (Kluj, Rumıniya) – ÇSKA (Sofiya, Bolqarıstan) 0:0

B qrupu

Arsenal (İngiltərə) – Rapid (Avstriya) 4:1
Qol: Lakasette, 10. Mari, 18. Nketia, 44. Smit Rou, 66 – Kitaqava, 47.

Molde (Norveç) – Dandalk (İrlandiya) 3:1
Qol: Eikrem, 30. Omoyjuanfo, 41. Ellinqsen, 67 – Flores, 90+5.

C qrupu

Nitsa (Fransa) – Bayer (Almaniya) 2:3
Qol: Kamara, 26. Ndoye, 47 – Diabi, 22. Draqoviç, 32. Baumqartlinger, 51.

00:00 Slaviya (Çexiya) – Hapoel (Beer-Şava, İsrail) 3:0
Qol: Sima, 31; 85. Stanku, 36.

D qrupu

Benfika (Portuqaliya) – Lex (Polşa) 4:0
Qol: Vertongen, 36. Nunes, 57. Pizzi, 58. Vayql, 89.

00:00 Reyncers (Şotlandiya) – Standard (Lyej, Belçika) 3:2
Qol: Qoldson, 39. Tavernye, 45+1. Eyrfild, 63 – Lestyenne, 6. Kop, 41.

E qrupu

Qranada (İspaniya) – PSV (Niderland) 0:1
Qol: Malen, 38.

Omoniya (Kipr) – PAOK (Yunanıstan) 2:1
Qol: Kakulis, 9. Qomes, 84-pen – Tzolis, 39.

F qrupu

Alkmaar (Niderland) – Napoli (İtaliya) 1:1
Qol: Martins, 54 – Mertens, 6.

Real Sosyedad (İspaniya) – Riyeka (Xorvatiya) 2:2
Qol: Con, 69. Monreal, 79 – Velkovski, 38. Lonkar, 73.

Bombardir: Yusuf Yazıcı (Lill) – 6 qol.