“Beşiktaş”la “Fənərbaxça”dan heç-heçə

Futbol üzrə Türkiyə Super Liqasında 17-ci tura yekun vurulub.

Komanda.az xəbər verir ki, ilk oyun günündə bir qarşılaşma keçirilib. Turun açılış matçında “Girəsunspor” doğma meydanda “Altay”la üz-üzə gəlib. Dörd qolun qeydə alındığı matç meydan sahiblərinin qələbəsiylə yekunlaşıb.

Lider “Trabzonspor” bu turda “Hatayspor”u qəbul edib və inamlı qələbəyə sevinib. Ötən tur “Sivasspor” səfərindən əliboş qayıdan “Qalatasaray”ın budəfəki rəqibi son turların uğurlu komandası “Başakşəhər” olub. İstanbul təmsilçilərinin duelində qalib müəyyənləşməyib. “Alanyaspor” evdə “Adana Dəmirspor”a, “Kasımpaşa” isə “Sivasspor”a uduzub. “Konyaspor” da “Antalyaspor”u məğlub yola salıb.

Turun mərkəzi görüşü İstanbulda keçirilib. “Fənərbaxça” doğma meydanda “Beşiktaş”ı qəbul edib. Dörd qolun qeydə alındığı oyunda qalib müəyyənləşməyib.

Türkiyə Super Liqası, 17-ci tur

17 dekabr

Girəsunspor – Altay 3:1
Qol: Süleymanov, 31. Balde, 61. Diabate, 72 – Poko, 81.

18 dekabr

Kasımpaşa – Sivasspor 1:3
Qol: Kamara, 43-öz qapısına – Fajr, 50. Yatabare, 76; 81.

Trabzonspor – Hatayspor 2:0
Qol: Djanini, 24. Kornelius, 38.

Konyaspor – Antalyaspor 1:0
Qol: E.Çekici, 90+2.

Qalatasaray – Başakşəhər 1:1
Qol: M.Məhəmməd, 87 – Okaka, 20.

Alanyaspor – Adana Dəmirspor 1:3
Qol: Dyedyu, 30 – Varqas, 26. Balotelli, 43. Byarnason, 51.

19 dekabr

Rizəspor – Yeni Malatyaspor 1:0
Qol: D.Hümmet, 79.

Kayserispor – Qaziantep 0:0

Göztəpə – Fatih Karagümrük 0:1
Qol: C.Erkin, 76.

Fənərbaxça – Beşiktaş 2:2
Qol: M.Özil, 14-pen. Berişa, 30 – Jozef, 25; 59.

Bombardir: Aleksandar Peşiç (“Fatih Karagümrük”) – 9 qol.