“Qarabağ” “Aberdin”i məğlub yola saldı

Bu gün Konfrans Liqasında pley-off mərhələsinin ilk oyunları keçirilib.

Komanda.az xəbər verir ki, Azərbaycanın turnirdəki təmsilçisi “Qarabağ” da ilk matçına bu gün çıxıb. Qurban Qurbanovun rəhbərlik etdiyi kollektiv doğma meydanda Şotlandiyanın “Aberdin” komandasını qəbul edib. Tofiq Bəhramov adına Respublika stadionunda keçiriləcək matç saat 20:00-da başlayıb.

“Qarabağ”ın heyətində zədəli Bədavi Hüseynov, Rahil Məmmədov və Elvin Cəfərquliyev bu qarşılaşmada iştirak etməyib. “Aberdin”də isə hücumçu Rayan Heces zədə səbəbindən oyunu buraxıb. “Qarabağ” yeni transferi – hücumçu İbrahima Vadjini Şotlandiya təmsilçisi ilə matç üçün sifariş edib. Amma o, bu görüşün iştirakçısı olmayıb.

Qarşılaşma isə “Qarabağ”ın minimal hesablı qələbəsiylə yekunlaşıb.

Konfrans Liqası, pley-off mərhələsi, ilk oyun

19 avqust

Qarabağ – Aberdin (Şotlandiya) 1:0
Qol: X.Romero, 30.
Baş hakim: Rade Obrenoviç (Sloveniya)

Qarabağ: 1. Şahruddin Məhəmmədəliyev, 2. Qara Qarayev, 5. Maksim Medvedev (k), 6. Patrik Andrade, 10. Abdullah Zubir, 11. Xayme Romero, 20. Kadi Malinovski, 27. Toral Bayramov, 30. Abbas Hüseynov, 77. Ramil Şeydayev, 81. Kevin Medina.
Ehtiyat oyunçular: 12. Emil Balayev, 94. Ayhan Arazlı, 7. Riçard Almeyda, 13. Bəhlul Mustafazadə, 17. Panadero Zamora, 18. İsmayıl İbrahimli, 19. Filip Ozobiç, 22. Musa Qurbanlı, 29. Marko Veşoviç.
Baş məşqçi: Qurban Qurbanov.

Aberdin: 1. Co Lyuis, 2. Ross Makkrori, 3. Cek Makkenzi, 4. Endryu Konsidayn, 5. Deklan Qallaxer, 8. Skott Braun (k), 9. Kristian Ramires, 14. Cey Emmanuel-Tomas, 16. Funso Oyo, 19. Luis Ferqyusson, 22. Kalvin Remzi.
Ehtiyat oyunçular: 25. Qari Vuds, 30. Tom Ritçi, 10. Nayal Makqinn, 15. Dilan Makqiox, 17. Conni Heyz, 18. Konnor Maklennan, 20. Teddi Cenks, 21. Cek Qurr, 24. Din Kempbell, 31. Kiran Nvenya, 35. Meyson Henkok.
Baş məşqçi: Stiven Qlass.