“Atalanta” autsayderə doğma meydanda uduzdu

İtaliya A Seriyasında 20-ci tura yekun vurulub.

Komanda.az xəbər verir ki, ilk oyun günündə 3 qarşılaşma keçirilib. Açılış matçında “Latsio” “Sampdoriya”nı qəbul edib. Meydan sahibləri bu görüşdə darmadağına sevinib.

“Sassuolo” “Torino”nu məğlub yola salıb. “Napoli” isə “Fiorentina”nı sınağa çəkib. Florensiya təmsilçisi uğursuz mövsüm keçirən Neapol təmsilçisini səfərdə məğlub edib.

Lider “Yuventus” “Parma” ilə qarşılaşıb və Ronaldonun dublu sayəsində turu qələbəylə başa vurub. Son turda “Atalanta” ilə matçda xal itirən “İnter”, bu dəfə də “Leççe” səfərindən 1 xalla dönüb. “Milan” doğma azarkeşləri qarşısında “Udineze”ni sınağa çəkib və çətin qələbəyə sevinib. “Roma” da “Cenoa” ilə səfər oyunundan qalib ayrılıb.

Sonuncu oyun günündə “Atalanta” sonuncu pillədə qərarlaşan SPAL-la üz-üzə gəlib və gözlənilməz məğlubiyyətlə üzləşib.

İtaliya A Seriyası, 20-ci tur

18 yanvar

Latsio – Sampdoriya 5:1
Qol: Kaysedo, 7. İmmobile, 17-pen; 20; 65. Bastos, 54 – Linetti, 70.

Sassuolo – Torino 2:1
Qol: Boqa, 61. Berardi, 73 – Lokatelli, 20-öz qapısına.

Napoli – Fiorentina 0:2
Qol: Kyeza, 26. Vlahoviç, 74.

19 yanvar

Milan – Udineze 3:2
Qol: Rebiç, 48; 90+3. T.Ernandes, 72 – Larsen, 6. Lasanya, 85.

Bolonya – Verona 1:1
Qol: Bani, 21 – Borini, 81.

Breşiya – Kalyari 2:2
Qol: Torreqrossa, 27; 49 – J.Pedro, 21; 68-pen.

Leççe – İnter 1:1
Qol: Mankosu, 77 – Bastoni, 72.

Cenoa – Roma 1:3
Qol: Pandev, 45 – C.Ünder, 6. Biraski, 44-öz qapısına. Dzeko, 74.

Yuventus – Parma 2:1
Qol: Ronaldo, 43; 58 – Kornelius, 55.

20 yanvar

Atalanta – SPAL 1:2
Qol: İliçiç, 16 – Petanya, 54. Valoti, 60.

Bombardir: Çiro İmmobile (Latsio) – 23 qol.