“Napoli” evdə, “Latsio” səfərdə qələbə qazandı

Futbol üzrə İtaliya A Seriyasında 20-ci tura yekun vurulub.

Komanda.az xəbər verir ki, ilk oyun günündə bir qarşılaşma baş tutub. Turinin “Torino” komandası turun açılış matçında “Fiorentina”nı sınağa çəkib. Tərəflər bu oyunda hərəyə 1 qol və 1 xal ilə kifayətləniblər.

Lider “Milan” bu tur çərçivəsində səfərdə “Bolonya”nın qonağı olub və çətin qələbəyə sevinib. “İnter” autsayder “Benevento”nu darmadağınla yola salıbsa, “Yuventus” “Sampdoriya”nı sınağa çəkib və inamlı qələbə qazanıb.

Turun əksər görüşləri sonuncu oyun gününə təsadüf edib. Paytaxt təmsilçisi “Latsio” bu turda çətin “Atalanta” səfərinə yollanıb. Bu komandalar bir neçə gün əvvəl İtaliya kubokunda üz-üzə gəlmiş və “Atalanta” 3:2 hesablı qələbə qazanmışdı. Bu dəfə isə “Latsio” inamlı qələbəyə sevinib. “Napoli” və “Roma” da müvafiq olaraq “Parma” və “Verona” ilə ev oyunlarından inamlı qələbə ilə ayrılıb. “Spetsiya” evdə “Udineze”yə uduzubsa, “Kalyari” – “Sassuolo” görüşü bərabərliklə bitib. “Cenoa” da səfərdə “Krotone”yə böyük hesabla qalib gəlib.

İtaliya A Seriyası, 20-ci tur

29 yanvar

Torino – Fiorentina 1:1
Qol: Belotti, 88 – Riberi, 67.

30 yanvar

Bolonya – Milan 1:2
Qol: Poli, 81 – Rebiç, 26. Kessye, 55-pen.

Sampdoriya – Yuventus 0:2
Qol: Kyeza, 20. Remzi, 90+1.

İnter – Benevento 4:0
Qol: İmprota, 7-öz qapısına. L.Martines, 57. Lukaku, 67; 78.

31 yanvar

Spetsiya – Udineze 0:1
Qol: De Paul, 52-pen.

Kalyari – Sassuolo 1:1
Qol: J.Pedro, 75 – Boqa, 90+4.

Atalanta – Latsio 1:3
Qol: Paşaliç, 79 – Maruşiç, 3. Korrea, 51. Muriqi, 82.

Krotone – Cenoa 0:3
Qol: Destro, 24; 50. Çiborra, 29.

Napoli – Parma 2:0
Qol: Elmas, 32. Politano, 82.

Roma – Verona 3:1
Qol: Mançini, 20. Mxitaryan, 22. Mayoral, 29 – Kolli, 62.

Bombardir: Kriştiano Ronaldo (Yuventus) – 15 qol.