“Milan” uduzdu, “Napoli” “Latsio”nu darmadağın etdi

Futbol üzrə İtaliya A Seriyasında 14-cü tura yekun vurulub.

Komanda.az xəbər verir ki, ilk oyun günündə bir görüş baş tutub. Turun açılış matçında autsayder “Salernitana” səfərdə “Kalyari”nin qonağı olub. Tərəflər bu oyundan hərəyə bir qol və bir xalla ayrılıblar.

“Yuventus” bu turda “Atalanta”nın müqavimətini qırmağa çalışıb. Lakin Turin təmsilçisi doğma meydanda minimal hesabla uduzub. “İnter” isə səfərdə “Venetsiya”nı məğlub edib.

Lider “Napoli”nin bu turdakı rəqibi “Latsio” olub. Neapol təmsilçisi doğma meydanda 4 cavabsız qola sevinib. “Milan” doğma meydanda “Sassuolo”ya uduzub. “Roma” isə “Torino” üzərində qələbə qazanıb.

İtaliya A Seriyası, 14-cü tur

26 noyabr

Kalyari – Salernitana 1:1
Qol: Pavoletti, 73 – Bonatsoli, 90.

27 noyabr

Sampdoriya – Verona 3:1
Qol: Kandreva, 51. Ekdal, 77. Murru, 90 – Tameze, 37.

Empoli – Fiorentina 2:1
Qol: Bandinelli, 87. Pinamonti, 89 – Vlahoviç, 57.

Yuventus – Atalanta 0:1
Qol: Sapata, 28.

Venetsiya – İnter 0:2
Qol: H.Çalhanoğlu, 34. L.Martines, 90+6-pen.

28 noyabr

Udineze – Cenoa 0:0

Milan – Sassuolo 1:3
Qol: Romanyoli, 21 – Skamakka, 24. Kyaer, 33-öz qapısına. Berardi, 66.

Spetsiya – Bolonya 0:1
Qol: Arnautoviç, 83-pen.

Roma – Torino 1:0
Qol: Abraham, 32.

Napoli – Latsio 4:0
Qol: Zelinski, 7. Mertens, 10; 29. Ruis, 85.

Bombardir: Çiro İmmobile (Latsio) – 10 qol.