“Yuventus”la “İnter” qalib gəldi, “Milan” xal itirdi

Futbol üzrə İtaliya A Seriyasında 11-ci tura yekun vurulub.

Komanda.az xəbər verir ki, ilk oyun günündə bir qarşılaşma keçirilib. Açılış matçında “Sassuolo” doğma meydanda “Benevento”nu sınağa çəkib. Meydan sahibləri bu oyunda minimal hesabla qalib gəliblər.

Şənbə günü üç qarşılaşma baş tutub. “Krotone” doğma meydanda “Spetsiya”ya böyük hesabla qalib gəlib. “Torino” evdə “Udineze”yə, “Latsio” isə “Verona”ya məğlub olub.

Çempionlar Liqasında mübarizəni dayandıran “İnter” yerli çempionatda bu tur çərçivəsində “Kalyari” səfərinə yollanıb və inamlı qələbəyə sevinib. “Yuventus” da “Cenoa” ilə səfər matçından qalib ayrılıb. Lider “Milan” isə doğma meydanda “Parma” ilə qarşılaşmada xal itkisi ilə üzləşib.

“Napoli” “Sampdoriya”nı, “Atalanta” “Fiorentina”nı məğlub yola salıbsa, “Roma” səfərdə “Bolonya”nı darmadağın edib.

İtaliya A Seriyası, 11-ci tur

11 dekabr

Sassuolo – Benevento 1:0
Qol: Berardi, 8-pen.

12 dekabr

Krotone – Spetsiya 4:1
Qol: Messias, 7; 90+6. Reka, 49. Eduardo, 56 – Farias, 18.

Torino – Udineze 2:3
Qol: Belotti, 66. Bonatsoli, 67 – Pussetto, 24. De Paul, 54. Nestorovski, 69.

Latsio – Verona 1:2
Qol: Kaysedo, 56 – Lazzari, 45-öz qapısına. Tameze, 67.

13 dekabr

Kalyari – İnter 1:3
Qol: Sottil, 42 – Barella, 77. D`Ambrosio, 84. Lukaku, 90+4.

Napoli – Sampdoriya 2:1
Qol: Lozano, 53. Petanya, 68 – Yankto, 20.

Bolonya – Roma 1:5
Qol: Kristante, 24-öz qapısına – Poli, 5-öz qapısına. Dzeko, 10. Pelleqrini, 15. Veretu, 35. Mxitaryan, 44.

Atalanta – Fiorentina 3:0
Qol: Qosens, 44. Malinovski, 55. Toloy, 63.

Cenoa – Yuventus 1:3
Qol: Sturaro, 61 – Dibala, 57. Ronaldo, 78-pen; 89-pen.

Milan – Parma 2:2
Qol: T.Hernandes, 58; 90+1 – Hernani, 13. Kurtiç, 56.

Bombardir: Zlatan İbrahimoviç (Milan), Kriştiano Ronaldo (Yuventus) – 10 qol.