“Real Sosyedad”la “Eybar” 3 xalı 3 qolla qazandı

İspaniya La Liqasında 6-cı tura yekun vurulub.

Komanda.az xəbər verir ki, ilk oyun günündə üç qarşılaşma keçirilib. Son turda “Barselona”nı məğlub edən “Qranada” bu dəfə səfərdə “Valyadolid”in müqavimətini qırmağa çalışıb. Amma bu görüşdə heç-heçə qeydə alınıb. “Betis” doğma meydanda “Levante” üzərində inamlı qələbəyə sevinib.

“Barselona” isə “Vilyarreal”i qəbul edib. Üç qolun qeydə alındığı qarşılaşma Kataloniya təmsilçisinin qələbəsiylə yekunlaşıb.

“Real” bu turda “Osasuna”nı, “Atletiko” isə “Malyorka”nı sınağa çəkib. Hər iki oyunda Madrid təmsilçiləri inamlı qələbəyə sevinib. “Atletiko” səfərdə, “Real” isə doğma meydanda qalib gəlib. “Leqanes” – “Atletik” və “Valensiya” – “Xetafe” görüşlərində isə qalib müəyyənləşməyib.

“Qarabağ”ın Avropa Liqasındakı rəqiblərindən olan “Sevilya” isə “Eybar” səfərinə yollanıb. Sözügedən komanda bu oyundan məğlubiyyətlə ayrılıb.

İspaniya La Liqası, 6-cı tur

24 sentyabr

Valyadolid – Qranada 1:1
Qol: Plano, 12 – Fernandes, 42.

Betis – Levante 3:1
Qol: Loren, 45+3; 48. İqlesias, 67 – Hernani, 7.

Barselona – Vilyarreal 2:1
Qol: Qrizmann, 6. Artur, 15 – Kasorla, 44.

25 sentyabr

Leqanes – Atletik 1:1
Qol: Oskar, 61 – R.Qarsiya, 59-pen.

Malyorka – Atletiko 0:2
Qol: D.Kosta, 26. J.Feliks, 64.

Valensiya – Xetafe 3:3
Qol: M.Qomes, 30; 34. Kanqin, 39 – Mata, 1. Ceyson, 66. Anxel, 69.

Real – Osasuna 2:0
Qol: Vinisius, 36. Rodriqo, 72.

26 sentyabr

Eybar – Sevilya 3:2
Qol: Orelyana, 66-pen. Leon, 77. Kote, 82 – Okampos, 11. Torres, 33.

Selta – Espanyol 1:1
Qol: Mina, 90+5 – Pedrosa, 48.

Real Sosyedad – Alaves 3:0
Qol: Oyarzabal, 19; 41. V.Xose, 32.

Bombardir: Gerard Moreno (Vilyarreal), Loren (Betis), Kərim Benzema (Real) – 5 qol.