La Liqada qolsuz gün

İspaniya La Liqasında 2021/2022 mövsümünə start verilib.

Komanda.az xəbər verir ki, mövsümün açılış matçında “Valensiya” və “Xetafe” komandaları üz-üzə gəlib. Qarşılaşma meydan sahiblərinin qələbəsiylə yekunlaşıb.

Şənbə günü dörd qarşılaşma baş tutub. “Kadis” – “Levante”, “Malyorka” – “Betis” və “Osasuna” – “Espanyol” matçlarında qalib müəyyənləşməyib. Kapitanı Serxio Ramosla müqaviləni yeniləməyən Madrid “Real”ı isə “Alaves” səfərinə yollanıb. Paytaxt təmsilçisi bu oyunda darmadağına sevinib.

Lionel Messi ilə yollarını ayıran “Barselona”nın ilk turdakı rəqibi “Real Sosyedad” olub. Altı qolun qeydə alındığı bu görüşdə Kataloniya təmsilçisi qələbə qazanan tərəf olub.

Son çempion “Atletiko” ilk turda “Selta”nın qonağı olub və çətinliklə qələbə qazanıb. “Sevilya” isə “Rayo Valyekano”nu məğlub yola salıb.

Son gündə iki görüş baş tutub. Əvvəlcə “Vilyarreal” “Qranada” ilə qarşılaşıb. Turun son matçında isə “Elçe” və “Atletik” komandaları üz-üzə gəlib. Hər iki oyun qolsuz yekunlaşıb.

İspaniya La Liqası, 1-ci tur

13 avqust

Valensiya – Xetafe 1:0
Qol: Soler, 11-pen.

14 avqust

Kadis – Levante 1:1
Qol: Espino, 90+7 – Morales, 39.

Malyorka – Betis 1:1
Qol: Olivan, 25 – Xuanmi, 59.

Alaves – Real 1:4
Qol: Xoselu, 65-pen – Benzema, 48; 62. Naço, 56. Vinisius, 90+2.

Osasuna – Espanyol 0:0

15 avqust

Selta – Atletiko 1:2
Qol: Aspas, 59-pen – Korrea, 23; 64.

Barselona – Real Sosyedad 4:2
Qol: Pike, 19. Breytveyt, 45+2; 59. S.Roberto, 90+1 – Lobete, 82. Oyarzabal, 85.

Sevilya – Rayo Valyekano 3:0
Qol: En Nesiri, 19-pen. Lamela, 55; 79.

16 avqust

Vilyarreal – Qranada 0:0

Elçe – Atletik 0:0

Bombardir: Kərim Benzema (“Real”), Anxel Korrea (“Atletiko”), Erik Lamela (“Sevilya”), Martin Breytveyt (“Barselona”) – 2 qol.