“Kadis” “Qranada” üzərində qələbəni əldən verdi

Futbol üzrə İspaniya La Liqasında 17-ci tura yekun vurulub.

Komanda.az xəbər verir ki, ilk oyun günündə bir qarşılaşma keçirilib. Ötən tur “Atletiko”nu məğlub edən “Malyorka” bu dəfə doğma meydanda “Selta”nın müqavimətini qırmağa çalışıb. Lakin bu oyunda qapılara qol vurulmayıb.

“Sevilya” bu turda “Atletik”lə səfər oyunundan minimal hesabla qalib ayrılıb.

Çempionlar Liqası ilə vidalaşan “Barselona” çempionatda “Osasuna” ilə üz-üzə gəlib. Kataloniya təmsilçisi bu oyunda xal itkisi ilə üzləşib. “Betis” “Real Sosyedad”ı 4 cavabsız qolla məğlub edib.

Turun mərkəzi görüşü Madriddə keçirilib. Lider “Real” doğma meydanda əzəli rəqibi “Atletiko”nu qəbul edib. Meydan sahibləri bu oyunda inamlı qələbəyə seviniblər.

Turun qapanış matçında “Kadis” doğma meydanda “Qranada” üzərində qələbəni son anda əldən verib.

İspaniya La Liqası, 17-ci tur

10 dekabr

Malyorka – Selta 0:0

11 dekabr

Espanyol – Levante 4:3
Qol: Darder, 6. De Tomas, 49. Puado, 60; 76 – De Frutos, Son, 26. Morales, 57.

Alaves – Xetafe 1:1
Qol: Xoselu, 86 – E.Ünal, 20.

Valensiya – Elçe 2:1
Qol: Quedes, 23. Piççini, 86 – Boye, 75.

Atletik – Sevilya 0:1
Qol: Dileyni, 38.

12 dekabr

Vilyarreal – Rayo Valyekano 2:0
Qol: Mandi, 32. Moreno, 36-pen.

Osasuna – Barselona 2:2
Qol: Qarsiya, 14. Avila, 86 – Niko, 12. Ezzalzuli, 49.

Betis – Real Sosyedad 4:0
Qol: Moreno, 14; 79. Xuanmi, 57. Fekir, 66.

Real – Atletiko 2:0
Qol: Benzema, 16. Asensio, 57.

13 dekabr

Kadis – Qranada 1:1
Qol: Arzamendiya, 32 – Molina, 88.

Bombardir: Kərim Benzema (“Real”) – 12 qol.