“Real Sosyedad” ili üçüncü pillədə başa vurdu

01/01/2021 | 00:28

Futbol üzrə İspaniya La Liqasında 16-cı tura yekun vurulub.

Komanda.az xəbər verir ki, ilk oyun günündə dörd qarşılaşma keçirilib. Turun açılış matçında “Sevilya” doğma meydanda “Vilyarreal”ı qəbul edib və inamlı qələbəyə sevinib. “Barselona” bu turda “Eybar”ı sınağa çəkib. Kataloniya təmsilçisi bu oyundan xal itkisi ilə ayrılıb. “Kadis” – “Valyadolid” matçında da qalib müəyyənləşməyib. 7 qolun qeydə alındığı “Levante” – “Betis” görüşü isə meydan sahiblərinin qələbəsiylə yekunlaşıb.

İkinci oyun günündə də dörd görüş baş tutub. “Qranada” “Valensiya”nı, “Selta” “Hueska”nı məğlub yola salıb. “Atletiko” doğma meydanda “Xetafe”ni minimal hesabla üstələyib. Lider “Real” isə bu dəfə səfərdə “Elçe” ilə qarşılaşıb. Madrid klubu bu oyundan xal itkisi ilə ayrılıb.

Sonuncu oyun günündə iki görüş baş tutub. Səfərdə “Atletik”lə qarşılaşan “Real Sosyedad” minimal hesabla qalib gələrək 2020-ci ili 3-cü pillədə başa vurub. “Osasuna” – “Alaves” görüşündə isə tərəflər hərəyə 1 qol və 1 xalla kifayətləniblər.

İspaniya La Liqası, 16-cı tur

29 dekabr

Sevilya – Vilyarreal 2:0
Qol: Okampos, 8-pen. En Nesiri, 53.

Barselona – Eybar 1:1
Qol: Dembele, 67 – Kike, 57.

Levante – Betis 4:3
Qol: Duarte, 2. Morales, 22; 24. Rocer, 55 – Mandi, 12. Kanales, 78-pen; 86.

Kadis – Valyadolid 0:0

30 dekabr

Qranada – Valensiya 2:1
Qol: Kenedi, 45+3. Molina, 88 – Qameyro, 36.

Selta – Hueska 2:1
Qol: Nolito, 33. Aspas, 61 – Seoane, 84.

Atletiko – Xetafe 1:0
Qol: L.Suares, 20.

Elçe – Real 1:1
Qol: Fidel, 52-pen – Modriç, 20.

31 dekabr

Atletik – Real Sosyedad 0:1
Qol: Portu, 5.

Osasuna – Alaves 1:1
Qol: R.Torres, 67 – L.Peres, 75.