“Real” 3 xalı 3 qolla qazandı

Futbol üzrə İspaniya La Liqasında 14-cü tura yekun vurulub.

Komanda.az xəbər verir ki, turun açılış matçında “Atletik” doğma meydanda “Hueska” ilə üz-üzə gəlib. Meydan sahibləri bu görüşdə inamlı qələbəyə seviniblər.

Lider “Atletiko” bu tur çərçivəsində “Elçe”ni qəbul edib və inamlı qələbəyə sevinib. “Real Sosyedad” səfərdə “Levante”yə uduzubsa, “Vilyarreal” “Osasuna”ya qalib gəlib.

Turun mərkəzi görüşündə “Barselona” “Valensiya”nın müqavimətini qırmağa çalışsa da, dörd qolun qeydə alındığı matç bərabərliklə yekunlaşıb. “Sevilya” – “Valyadolid” matçında da qalib müəyyənləşməyib.

Sonuncu oyun günündə dörd qarşılaşma baş tutub. “Selta” “Alaves”i, “Qranada” “Betis”i məğlub yola salıb. “Xetafe” də “Kadis”lə səfər oyununda inamlı qələbəyə sevinib. Madrid “Real”ı isə səfərdə “Eybar”a qalib gəlib.

İspaniya La Liqası, 14-cü tur

18 dekabr

Atletik – Hueska 2:0
Qol: Kodro, 86-pen. Nunes, 90+2.

19 dekabr

Atletiko – Elçe 3:1
Qol: L.Suares, 41; 58. D.Kosta, 80-pen – Boye, 64.

Barselona – Valensiya 2:2
Qol: Messi, 45+4. Arauxo, 52 – Diaxabi, 29. M.Qomes, 69.

Osasuna – Vilyarreal 1:3
Qol: R.Torres, 70-pen – Moreno, 7; 86. Nino, 29.

Levante – Real Sosyedad 2:1
Qol: Rocer, 28. De Frutos, 87 – İsak, 22.

Sevilya – Valyadolid 1:1
Qol: Okampos, 31-pen – R.Qarsiya, 87.

20 dekabr

Selta – Alaves 2:0
Qol: Mendes, 19; 79.

Qranada – Betis 2:0
Qol: Soldado, 14-pen; 20.

Kadis – Xetafe 0:2
Qol: Kuço, 33. Maksimoviç, 90+4.

Eybar – Real 1:3
Qol: Kike, 28 – Benzema, 6. Modriç, 13. Lukas, 90+2.

Bombardir: Jerar Moreno (Vilyarreal) – 8 qol.