Motta: “Biz “Milan”dan daha yaxşı idik”

“Yuventus”un baş məşqçisi Tiaqo Motta komandasının nəticələrindən danışıb.

Komanda.az “Football Italia”-ya istinadən xəbər verir ki, o, eyni zamanda, “Milan”la oyunu şərh edib:

“Qələbələrdən çox heç-heçə? Hər matç ayrı bir hekayədir. Baxmayaraq ki, “Fiorentina” ilə oyunda (2:2) oxşar vəziyyət yaranmışdı. Biz hesabda öndə idik və matçın gedişinə nəzarət edirdik. Əvvəllər xarakter nümayiş etdirib, məğlubiyyətdən qaça bilmişik. Bu gün biz bir çox aspektlərə görə “Milan”dan daha yaxşı idik”.

Turinlilər bu mövsüm bütün yarışlarda 26 görüşdə cəmi 11 qələbə qazanıb, 13 heç-heçə edib və 2 dəfə məğlubiyyət yaşayıb. İki məğlubiyyətdən biri dünən İtaliya superkubokunun yarımfinalında “Milan”la (2:1) oyunda baş verib.