Bu gün Avropa çempionatına start veriləcək

Bu gün Almaniyada futbol üzrə Avropa çempionatına start veriləcək.

Komanda.az xəbər verir ki, A qrupunun ilk matçında ev sahibi komanda Şotlandiya ilə qarşılaşacaq.

Münhendəki “Allianz Arena”da keçiriləcək oyunu fransalı FİFA referisi Kleman Turpen idarə edəcək.

Oyun saat 23:00-da start götürəcək.

Bu qrupun digər qarşılaşması sabah, saat 17:00-da Macarıstan və İsveçrə yığmaları arasında keçiriləcək.

AÇ-2024, 1-ci tur
A qrupu

14 iyun

23:00. Almaniya – Şotlandiya
Baş hakim: Kleman Turpen (Fransa)
Münhen, “Allianz Arena” stadionu