Çempionlar Liqası: Azərbaycan təmsilçisi darmadağınla başladı

Bu gün “Araz-Naxçıvan” komandası futzal üzrə UEFA Çempionlar Liqasının ilkin mərhələsində mübarizəyə start verib.

Komanda.az xəbər verir ki, son ölkə çempionu F qrupunun ilk oyununda Cəbəllütariqin “Europa” kollektivi ilə üz-üzə gəlib. Latviyanın Salaspils şəhərində keçirilən qarşılaşmaya Bakı vaxtı ilə saat 15:00-da start verilib. 11 qolluq matç “Araz”ın qələbəsiylə yekunlaşıb.

“Araz-Naxçıvan” F qrupunda “Europa” ilə yanaşı, “Kampusken Dinamo” (Finlandiya) və “Raba” (Latviya) ilə mübarizə aparacaq.

İlkin mərhələnin oyunlarına 8 ölkə ev sahibliyi edir. Avqustun 20-dən 25-dək keçiriləcək matçlar Almaniya, İsveçrə, Şimali Makedoniya, Yunanıstan, Estoniya, Latviya, Albaniya və Monteneqroda təşkil ediləcək. Reqlamentə uyğun olaraq, 9 komanda – 8 qrup qalibi və ikinci pillədə yer alan iştirakçılardan ən yaxşı göstəriciyə malik bir klub əsas mərhələyə vəsiqə qazanacaq.

Futzal, Çempionlar Liqası, ilkin mərhələ

21 avqust

F qrup

Araz-Naxçıvan – Europa (Cəbəllütariq) 9:2
Qol: D.Qalleqo, 04:13-öz qapısına. E.Rodriqes, 05:07; 29:57; 39:11. A.Şocaei, 08:08. X.Bağırov, 10:52. P.Santos, 20:07; 38:58. İ.Atayev, 27:13 – J.J.Dias, 33:51; 34:22.

Araz: 12. Rövşən Hüseynli (q), 7. Ramiz Çovdarov, 8. Rizvan Fərzəliyev (k), 11. Xətai Bağırov, 13. Amir Şocaei, 1. Emin Kürdov (q), 9. Emanuel Rodriqes, 10. İsa Atayev, 14. Murilo Borges, 15. Hadi Ahmadi, 17. Pereyra Qonçalves Dos Santos, 20. Tofiq Mikayılov.
Baş məşqçi: Joze Alesio Da Silva.

Europe: 1. Moxham (q), 9. Dias Qalleqo, 10. Rodriqes (k), 11. Fraile, 15. Fortuna, 13. Manasko (q), 2. Jorje Junko Dias, 3. Panzaveçiya, 5. Conatan Rodriqes, 6. Parodi, 7. Heredia Fernandes, 16. Suazo Torres, 17. Fernandes Bravo, 18. Guillen Duran.
Baş məşqçi: Neale.