“Borussiya”dan səfərdə inamlı qələbə

Futbol üzrə Almaniya Bundesliqasında 33-cü tura yekun vurulub.

Komanda.az xəbər verir ki, ilk oyun günündə yeddi qarşılaşma keçirilib. Ötən tur çempionluğu rəsmiləşən “Bavariya” bu turda “Frayburq” səfərinə yollanıb. Dörd qolun qeydə alındığı bu oyunda qalib müəyyənləşməyib. “Bayer” də “Yunion”la oyunda heç-heçəyə razılaşıb. Münhenqladbax “Borussiya”sı evdə “Ştutqart”a uduzub.

Bundesliqada qalmaq uğrunda mübarizə aparan “Köln” bu turda çətin “Herta” səfərinə yollanıb. Bu oyunda qapılara qol vurulmayıb. Autsayderlər qrupunda yer alan “Arminiya” komandası isə “Hoffenhaym”la bərabərə qalıb.

Sonuncu oyun günündə iki qarşılaşma baş tutub. Səfərdə “Maynts”la qarşılaşan Dortmund “Borussiya”sı inamlı qələbəyə sevinib. “Leyptsiq” isə “Volfsburq”la ev oyunundan xal itkisi ilə ayrılıb.

Almaniya Bundesliqası, 33-cü tur

15 may

Arminiya – Hoffenhaym 1:1
Qol: Voqlzammer, 23 – Kramariç, 5.

Auqsburq – Verder 2:0
Qol: Xedira, 57. Kaliqiuri, 90-pen.

Borussiya M – Ştutqart 1:2
Qol: Ştindl, 45 – Endo, 72. Kaladziç, 77.

Frayburq – Bavariya 2:2
Qol: Gulde, 29. Gunter, 81 – Levandovski, 26-pen. Sane, 53.

Herta – Köln 0:0

Şalke – Ayntraxt F 4:3
Qol: Huntelaar, 15. İdrisi, 52. Flik, 60. Hoppe, 64 – A.Silva, 29; 72. Ndikka, 51.

Bayer – Yunion 1:1
Qol: Virts, 27 – Pohjanpalo, 72.

16 may

Maynts – Borussiya D 1:3
Qol: Kayson, 90+1-pen – Gerreyro, 23. Roys, 42. Brandt, 80.

Leyptsiq – Volfsburq 2:2
Qol: Kluyvert, 51. Sabitzer, 78-pen – M.Filipp, 12; 45+1.

Bombardir: Robert Levandovski (Bavariya) – 40 qol.