Bu gün AÇ-2024-ə vəsiqə qazanacaq sonuncu komandalar bilinəcək

Bu gün Almaniyada keçiriləcək Avropa çempionatının final mərhələsinin son üç iştirakçısı məlum olacaq.

Komanda.az xəbər verir ki, pley-offun finalında Gürcüstan – Yunanıstan, Ukrayna – İslandiya və Polşa – Uels oyunları keçiriləcək.

Qələbə qazanan yığmalar AÇ-2024-ün final mərhələsinə vəsiqə qazanacaqlar.

Gürcüstan – Yunanıstan cütünün qalibi F qrupunda Portuqaliya, Türkiyə, Çexiya yığmalarına rəqib olacaq. Ukrayna – İslandiya duelinin güclüsü E qrupunda Belçika, Rumıniya, Slovakiya ilə üz-üzə gələcək. Polşa – Uels matçının qalibi isə D qrupunda Fransa, Avstriya və Niderlandla qarşılaşacaq.

Avropa çempionatı 14 iyun-14 iyul aralığında Almaniyanın 10 şəhərində təşkil olunacaq.

26 mart

AÇ-2024, pley-off mərhələsi
Final oyunları

21:00. Gürcüstan – Yunanıstan
23:45. Ukrayna – İslandiya
23:45. Polşa – Uels