Xavi: “Komandamla fəxr edirəm”

“Barselona”nın baş məşqçisi Xavi Çempionlar Liqasının qrup mərhələsinin 1-ci turunda “Antverpen” üzərində qazanılan qələbəni (5:0) şərh edib.

Komanda.az UEFA-nın mətbuat xidmətinə istinadən xəbər verir ki, baş məşqçi nəticədən razı olduğunu söyləyib:

“Mən çox şadam. Bu nəticədən çox razıyam, amma hər şeydən əvvəl oyunumuzun keyfiyyətindən razı qaldım. Bu oyun düşünürəm ki, mən komandaya keçdikdən sonra göstərdiyimiz ən yaxşı performansdır. Tutmaq istədiyimiz yol budur. Komandamla fəxr edirəm”.

“Barselona” H qrupunda 3 xalla turnir cədvəlinə başçılıq edir. “Antverpen” sonuncudur (0 xal).