“Biz bu gecə tarix yazdıq” – Messi

Argentina millisinin hücumçusu və kapitanı Lionel Messi 2026-cı ildə keçiriləcək dünya çempionatının seçmə mərhələsinin 6-cı turunun matçında Braziliya üzərində qazandıqları qələbədən (1:0) danışıb.

Komanda.az xarici KİV-ə istinadən xəbər verir ki, o, bunu deyib:

“Biz bu gecə tarix yazdıq, lakin bunun yenidən braziliyalıların argentinalılara qarşı “repressiya”ları ilə yadda qalacağını söyləmək vacibdir. Buna dözmək olmaz, bu dəlilikdir. Buna dərhal son qoymaq lazım idi”.

Stadionda azarkeşlərin öz aralarında və polislə davası səbəbindən milli komandalar arasında matçın startı 30 dəqiqə gecikib. Əvvəlcə argentinalı futbolçular münaqişəyə müdaxilə etsə də, daha sonra Messi komandanı meydandan çıxararaq tribunaların altındakı otağa aparıb.

Altı oyundan sonra Argentina millisi 15 xalla turnir cədvəlində birinci yerdədir. Braziliya yığması yeddi xalla altıncı pillədə qərarlaşıb.