Bu futbolçular Fransa klubunu tərk edə bilər

“Monako” cari mövsümün sonunda bir neçə futbolçusunu itirə bilər.

Komanda.az “RMC Sport”-a istinadən xəbər verir ki, iki mövsümdür “Bayern”dən icarə əsasında çıxış edən qapıçı Aleksandr Nübelin Liqa 1 klubu ilə yollarını ayırmaq ehtimalı var.

“Mançester Yunayted”in maraqlandığı sağ cinah müdafiəçisi Vanderson və Kayo Enrikenin də gedişi istisna edilmir.

Aksel Disasi və Yussuf Fofanaya İngiltərə və Almaniya klubları maraq göstərir. Brel Embolo da Premyer Liqa klublarından bir neçəsinin diqqətini çəkib.

Forvard Vissam Ben Yedder isə yüksək maaş tələb etdiyi üçün klubu tərk edə bilər.

Adıçəkilən futbolçular heyətdən ayrılsa, “Monako” yeni transferlər üçün 15 milyon avrodan artıq pul xərcləmək fikrində deyil. Fransa təmsilçisinin əsas məqsədi öz akademiyasını inkişaf etdirməkdir.