“Bu, bizim üçün şok oldu” – Flik

Almaniya kubokunun 1/16 final mərhələsi çərçivəsində “Holştayn Kil”ə məğlub olaraq mübarizəni dayandıran “Bavariya”nın baş məşqçisi Hans-Diter Flik açıqlama verib.

Komanda.az Almaniya mətbuatına istinadən xəbər verir ki, rəqibinə penaltilər seriyasında məğlub olan (6:5) Münhen klubunun çalışdırıcısı, nəticəyə görə məyus olduğunu bildirib:

“Bu, bizim üçün şok oldu. Çox məyusuq. Son saniyələrdə rəqibin qol vurmasına icazə verdik. “Holştayn Kil”i təbrik etmək lazımdır. Biz isə bu oyunu arxada qoyub, gələcək matçlara köklənməliyik. Müdafiədə oyunumuzu yaxşılaşdırmalı, inkişaf etdirməliyik”.