Azərbaycanlı futbolçu ayın ən yaxşısı seçildi

Rusiyanın “Ufa” klubunda noyabr və dekabrın ən yaxşı futbolçusu məlum olub.

Komanda.az xəbər verir ki, bu, azərbaycanlı futbolçu Azər Əliyevdir. Bu barədə klubun rəsmi saytı məlumat yayıb. Premyer Liqa təmsilçisinin azarkeşləri arasında keçirilən sorğuda 42,1 faiz səs toplayan Əliyev həm noyabr, həm də dekabrın ən yaxşı futbolçusu seçilib. 25 yaşlı yarımmüdafiəçi bu müddətdə 4 oyuna çıxıb və 1 qol, 1 də məhsuldar ötürmə ilə yadda qalıb.

“Ufa” Premyer Liqada 19 turdan sonra 25 xalla 7-ci pillədə qərarlaşıb.