Bruno Fernandes Ronaldoya çatıb

“Mançester Yunayted”in kapitanı Bruno Fernandes Premyer Liqada məhsuldar ötürmə sayında komandanın sabiq hücumçusu Kriştiano Ronaldoya çatıb.

Komanda.az “Sky Sports”-a istinadən xəbər verir ki, portuqaliyalı yarımmüdafiəçi dünən baş tutan “Vulvethempton” – “Mançester Yunayted” matçında (3:4) bir qol ötürməsi verib.

Onun indi Premyer Liqada 37 məhsuldar ötürməsi var.

Əlavə edək ki, “qırmızı şeytanlar”ın keçmiş oyunçusu Nani Premyer Liqada ən çox məhsuldar ötürmə edən portuqaliyalı futbolçudur – 43.