Toni ərəblərə satılır – 42 milyon avroya

“Brentford”un hücumçusu İvan Toni Avropada qalmayacaq.

Komanda.az xarici KİV-ə istinadən xəbər verir ki, ingiltərəli futbolçu karyerasını Səudiyyə Ərəbistanında davam etdirəcək. “Brentford” “Əl-Əhli”dən Toni üçün gələn təklifi qəbul edib. Transfer məbləği 42 milyon avro olacaq.

28 yaşlı hücumçu bu yay İngiltərə millisinin heyətində Avropa çempionatında çıxış edib. Toni 2020-ci ilin sentyabr ayının əvvəlindən “Brentford”da çıxış edir. O, bu vaxt ərzində İngiltərə klubunun heyətində 141 rəsmi oyun keçirib, 72 qol vurub və 23 məhsuldar ötürmə verib.