Braziliya klubunun 38 üzvü koronavirusa yoluxub!

Braziliyanın “Flamenqo” klubunun 38 üzvündə koronavirus aşkarlanıb.

Komanda.az xəbər verir ki, bu barədə A Seriyası təmsilçisinin mətbuat xidməti məlumat yayıb. “Flamenqo”nun 293 əməkdaşı koronavirus testindən keçib və onların 38-nin test nəticələri müsbət olub. Virusa yoluxanlardan üçü futbolçudur.

“Flamenqo”dan edilən açıqlamada, koronavirusa yoluxanların karantinə alındığı bildirilib.

“Flamenqo”da bir müddət əvvəl klubun masajçısı Jorjinyo koronavirusun qurbanı olmuşdu.