David Luiz “Arsenal”dan ayrılacaq

Braziliyalı müdafiəçi David Luiz mövsümün sonunda “Arsenal”dan ayrılacaq.

Komanda.az xəbər verir ki, bu barədə “Daily Mail” nəşri məlumat yayıb. Xəbərdə, “topçular”la müqaviləsi yaya qədər olan müdafiəçinin klub rəhbərliyi ilə görüşdüyü və komandadan ayrılmaq qərarı verdiyi bildirilib.

2019-cu ilin yayından “Arsenal”da çıxış edən 34 yaşlı futbolçu London təmsilçisində iki mövsümdə 73 oyuna çıxıb.

Luizlə Türkiyənin “Fənərbaxça”, Portuqaliyanın “Benfika” və bir neçə ABŞ klubu maraqlanır.