Ronaldinyo: “Varisim Neymardır”

Braziliyalı keçmiş futbolçu Ronaldinyo həmyerlisi Neymar haqda fikirlərini bildirib.

Komanda.az xarici mətbuata istinadən xəbər verir ki, Ronaldinyo, Neymarı izləməkdən zövq aldığını deyib:

“Şübhəsiz ki, varisim Neymardır. Ölkəmizin əsas futbolçusudur. Meydanda cəsarətini itirməməsi, topla irəliləməsi, bacarıqlarını nümayiş etdirməsi çox vacibdir. Onu izləmək mənə zövq verir.

Kilian Mbappe mənə Ronaldonu xatırladır. Onu çox sevirəm. İstedadlı və möhtəşəm futbolçudur. Xüsusilə, Neymarla birlikdə oynamağa davam etsə, “qızıl top”u qazanacağını düşünürəm. PSJ dünyanın ən yaxşı futbolçularını heyətinə qatmağı bacarır”.

Ronaldinyo 2001-2003-cü illər aralığında PSJ-də çıxış edib.