Braziliyalı futbolçu Premyer Liqa klublarından imtina edib

“Portu”nun hücumçusu Venderson Qaleno İtaliya A Seriyasına keçmək üçün İngiltərə Premyer Liqasının üç klubundan imtina edib.

Komanda.az “Tuttosport”-a istinadən xəbər verir ki, braziliyalı futbolçu “Yuventus” variantını seçmək qərarına gəlib.

Vendersonun xidmətində “Fulhem”, “Nyukasl” və “Nottingem Forest” kimi klublar maraqlıdır. O, “Portu” ilə transfer məbləği barədə hələ razılaşa bilməyən “Yuventus”a keçməyi seçib.

26 yaşlı futbolçu Portuqaliya çempionatının son mövsümündə 9 qol vurub və 7 məhsuldar ötürmə edib. O, həmçinin Çempionlar Liqasında 7 matçda 5 qol və 3 məhsuldar ötürmə ilə yadda qalıb.