Braziliyalı futbolçu “Mançester Siti”nin tarixinə düşüb

“Mançester Siti” İngiltərə Premyer Liqasının 26-cı turunda “Bornmut”u məğlub edib (1:0).

Komanda.az xəbər verir ki, matçda qapısını toxunulmaz saxlayan “şəhərlilər”in qolkiperi Ederson komandada 110-cu “quru oyun”unu keçirib. Braziliyalı futbolçu bu göstəricidə klubun rekordçusu olub.

Bundan əvvəlki rekord Co Harta məxsus idi. O, 109 “quru oyun” keçirib.

“Mançester Siti” Premyer Liqada 59 xalla 2-ci sıradadır və lider “Liverpul”dan bir xal geri qalır.