Roberto Karlosun Argentina – Braziliya matçı üçün hesab təxmini

Braziliya yığmasının sabiq futbolçusu Roberto Karlos Argentina ilə Braziliya milliləri arasında keçiriləcək Amerika kubokunun final matçı ilə bağlı açıqlama verib.

Komanda.az xarici mətbuata istinadən xəbər verir ki, Karlos, Braziliya yığmasının 2:0 hesablı qələbə qazanacağını deyib:

“Evimizdə oynayırıq, komandamız yaxşı çıxış edir. Buna görə də, qələbə qazanacağımızı düşünürəm. Asan olmayacaq, lakin Braziliya 2:0 hesablı qələbə qazana bilər”.

Amerika kubokunun Braziliya ilə Argentina yığmaları arasında keçiriləcək final matçı iyulun 11-də oynanılacaq. Qarşılaşma saat 04:00-da start götürəcək.