Braziliya millisinin baş məşqçisi Messini dayandırmağın çarəsini tapıb

Braziliya yığmasının baş məşqçisi Tite Amerika kubokunun finalında Argentinaya qarşı keçirəcəkləri oyundan əvvəl fikirlərini bildirib.

Komanda.az xəbər verir ki, Tite, rəqib komandanın kapitanı Lionel Messini necə dayandıracaqlarını bildiyini deyib:

“Messini necə dayandıracağımızı bilirəm, ancaq bunu demərəm. Argentina millisi Neymara qarşı planlarını desə, mən də Messi ilə bağlı planımı açıqlayaram.

Turnirin ən çox driblinq edən, ən çox fərdi oynayan komandası bizik. Kuboku da qazanmaq istəyirik”.

Argentina – Braziliya matçı sabah, saat 04:00-da start götürəcək.