Romario da Vinisiusa dəstək oldu

Braziliya millisinin sabiq hücumçusu Romario “qızıl top” mükafatını ala bilməyən Vinisius Juniora dəstək olub.

Komanda.az xəbər verir ki, braziliyalı keçmiş futbolçu Vinisiusa xitab edərək, həyatın da futbol kimi olduğunu bildirib:

“Vinisius, həyat da futbol kimi belədir: bəzən qələbə dərhal gəlmir. Mən həqiqətən sizə mükafat vermək istəyərdim, amma bilirəm ki, bu, oyunun bir hissəsidir, ən yaxşı olmağa çalışanların başına gəlir. Siz təkcə meydanda deyil, həm də, irqçiliklə mübarizədə əsl nəhəng kimi çətinliklərin öhdəsindən gəlməkdə dözüm, və cəsarət göstərdiz. Səyahət davam edir. Qarşıda çoxlu yol, çoxlu kuboklar var. Hər oyunda, hər döyüşdə sizinləyik, çünki sizin mübarizəniz bizim mübarizəmizdir. Davam et, başını aşağı salma, irəli get”.

“Qızıl top” “Mançester Siti”nin ispaniyalı yarımmüdafiəçisi Rodri Hernandesə verilib. Vinisius favorit hesab edilsə də, ikinci olub.