“Messiyə heyranam” – “Real”ın futbolçusu

Braziliya milli komandasının futbolçusu Kazemiro Amerika kubokunun finalında Argentina yığmasına qarşı keçirəcəkləri oyundan əvvəl fikirlərini bildirib.

Komanda.az xəbər verir ki, İspaniyanın “Real” klubunda çıxış edən yarımmüdafiəçi, rəqiblərini yüksək qiymətləndirdiklərini deyib:

“Argentina yüksək səviyyəli futbolçulardan ibarət bir millidir. Komandanın kapitanı Lionel Messinin necə möhtəşəm olduğunu hamımız bilirik. Lakin təkcə onu deyil, Argentina yığmasının bütün üzvlərini yüksək qiymətləndirməli və onlara hörmət etməliyik.

Messiyə heyranam. Ancaq Argentina millisi təkcə ondan ibarət deyil. Eyni zamanda, Braziliya yığmasının müdafiə gücü də təkcə Kazemiro deyil”.

Braziliya – Argentina matçı iyulun 11-də keçiriləcək.