Neymar keçmiş klubuna qayıdacaq

PSJ və “Barselona”nın sabiq hücumçusu Neymar gələn yay Braziliyaya qayıdacaq.

Komanda.az “Football Espana”-ya istinadən xəbər verir ki, bu barədə “Santos” klubunun vitse-prezidenti Niko Osvaldo məlumat yayıb:

“Neymar iyunda “Santos”a gələcək. Biz bu mövzuda danışıqlar aparırıq. O, geri qayıdır”.

Neymar “Santos” akademiyasının məzunudur. O, 2009-2013-cü illərdə Braziliya klubunda çıxış edib.

33 yaşlı braziliyalı forvard hazırda “Əl-Hilal” klubunda, Səudiyyə Ərəbistanı çempionatında çıxış edir. Onun klubla müqaviləsi gələn ilin ortalarına qədərdir.