Braziliya klubu Marsialla danışıqlara başlayıb

Braziliyanın “Flamenqo” klubu fransalı hücumçu Antoni Marsialla danışıqlara başlayıb.

Komanda.az “GetFootball”-a istinadən xəbər veerir ki, 27 yaşlı əsas futbolçusu Pedro zədə səbəbindən uzun müddətə sıradan çıxdıqdan sonra Braziliya klubu hücumçu axtarışındadır.

Marsialın son klubu müqavilə müddəti bitdikdən sonra azad agent kimi tərk etdiyi “Mançester Yunayted” olub.

28 yaşlı hücumçunun Fransa çempionatına qayıda biləcəyi də bildirilirdi. Ona “Lion”, “Marsel” və “Lill” klubları maraq göstərir.