“Nottingem Forest” braziliyalı hücumçu üçün 23 milyon avro təklif etməyə hazırdır

İngiltərənin “Nottingem Forest” klubu “Korintians”ın braziliyalı hücumçusu Yuri Alberto üçün 23 milyon avro təklif etməyə hazırdır.

Komanda.az xəbər verir ki, bu barədə Braziliyanın “Bolavip” nəşri məlumat yayıb.

Braziliya klubunun danışıqlara hazır olduğu deyilir.

23 yaşlı Yuri Alberto “Korintians”a 2022-ci ildə icarə əsasında keçsə də, bir il sonra bu komandanın tam əsaslı oyunçusu olub.